Frank-Walter Steinmeier

Frank-Walter Steinmeier, nado o 5 de xaneiro de 1956 en Detmold, Renania do Norte-Westfalia, é un político alemán, membro do Partido Socialdemócrata de Alemaña (SPD, polas súas siglas en alemán). É o actual Presidente de Alemaña dende o 19 de marzo de 2017. Dende 2005 até 2009 e novamente de 2013 a 2017 foi ministro de Relacións Exteriores, dende novembro de 2007 tamén vicechanceler de Alemaña. En outubro de 2007 foi elixido vicepresidente federal do SPD. De 1999 a 2005 foi xefe da Chancelería Federal (cargo comparable ó ministerio da Presidencia); durante o primeiro semestre de 2007 ademais foi presidente do Consello da Unión Europea. O 7 de setembro de 2008 foi nomeado candidato a chanceler de Alemaña polo SPD para as eleccións de 2009, enfrontándose a Angela Merkel.

En febreiro de 2017 foi elixido como presidente de Alemaña. Asumiu o cargo o 19 de marzo. Informations fournies par Wikipedia